AÇ-2020: “Güclü komandamız var və heç kimdən qorxmuruq” – Daliç

Xorvatiya milli komandasının baş məşqçisi Zlatko Daliç AÇ-2020-nin qrup mərhələsinin ilk turu çərçivəsində İngiltərəyə qarşı keçirəcəkləri oyundan əvvəl fikirlərini bildirib.

Komanda.az UEFA-nın mətbuat xidmətinə istinadən xəbər verir ki, Daliç, İngiltərədən qorxmadıqlarını deyib:

“Mümkün olan ən yaxşı heyəti seçəcəm. Güclü komandamız var və heç kimdən qorxmuruq. Düzdür, İngiltərə millisi çox sürətlidir, hücumda aqressiv olurlar. Müdafiədə etibarlı oynamalıyıq. Bununla yanaşı, topla daha yaxşı oynayıb əks-hücumlara çıxmalıyıq. Ancaq müdafiəni düşünsək, arxadan çıxa bilmərik”.

Bu gün keçiriləcək İngiltərə – Xorvatiya matçı saat 17:00-da start götürəcək.