Xavinin gələcək planları məlum olub

Bu mövsümün sonunda “Barselona”nın baş məşqçi postunu tərk edəcək Xavinin planları məlum olub.

Komanda.az “sport.es”-ə istinadən xəbər verir ki, ispaniyalı mütəxəssis tez bir zamanda yeni işə razılıq vermək fikrində deyil.

Xavi bir il istirahət etmək istəyir. İstirahətini başa vuran məşqçi başqa klubda işləmək imkanını da istisna etmir.

“Barselona” bu həftə PSJ ilə cavab görüşündə 1:4 hesabı ilə uduzaraq, Çempionlar Liqasından kənarlaşdırılıb.

Kataloniya təmsilçisi İspaniya çempionatında 1-ci yerdə olan “Real”dan 8 xal geri qalaraq, 2-ci pillədə qərarlaşıb.