Xavi qərar verməlidir – AÇ-2024-dən əvvəl

“Leyptsiq”in yarımmüdafiəçisi Xavi Simons hələ də gələcək planları ilə bağlı qərarsızdır.

Komanda.az xarici KİV-ə istinadən xəbər verir ki, 21 yaşlı yarımmüdafiəçi AÇ-2024 başlamazdan əvvəl planları barədə qərar vermək istəyir.

Niderlandlı yarımmüdafiəçi hazırkı komandasında icarə əsasında çıxış edir. Futbolçu müqavilə ilə PSJ-yə məxsusdur. Fransa nəhəngi də öz növbəsində Simonsa gələn mövsüm sabit oyun praktikasına zəmanət verə biləcəyinə hələ qərar verməyib.

Daha əvvəl “Çelsi”nin futboçu ilə maraqlandığı bildirilirdi.

Simons bu mövsüm Almaniya çempionatında 7 qol vurub və 11 məhsuldar ötürmə edib.