Xavi: “Onlar La Liqanın ən güclü komandasıdır”

“Barselona”nın baş məşqçisi Xavi La Liqanın 27-ci turunda “Atletik”lə oyundan gözləntilərini bölüşüb.

Komanda.az “Marca”-ya istinadən xəbər verir ki, ispaniyalı mütəxəssis rəqib komandanın baş məşqçisi Ernesto Valverdeni tərifləyib:

“Onlar La Liqanın ən güclü komandasıdır. Onlarda sakitlik, enerji, ritm var və bu, Valverdenin sayəsindədir. Valverde əla məşqçidir, bunu artıq sübut edib. Bu həftəyə yaxşı hazırlaşırıq. Qələbə qazansaq, irəliyə doğru böyük addım atacağıq”.

Komandalar arasında oyun martın 3-də, saat 00.00-da başlayacaq.

Hazırda “Barselona” İspaniya çempionatının turnir cədvəlində 57 xalla üçüncüdür. “Atletik”in 49 xalı var və 5-ci yerdədir.