“Xaraktersiz səhvlərə yol verdik” – Xavi

“Barselona”nın baş məşqçisi Xavi İspaniya çempionatının 7-ci turunda “Malyorka” ilə oyundan (2:2) danışıb.

Komanda.az “Barselona”nın rəsmi saytına istinadən xəbər verir ki, baş məşqçi matçı belə şərh edib:

“Həddindən artıq çox səhvlər etdik. Xaraktersiz səhvlərə yol verdik… Şanslarımız oldu, amma oyuna qayıtmaq çox çətin idi. Kifayət qədər şans yaratdıq. İndi sadəcə işə qayıtmalıyıq, çünki cümə günü “Sevilya” ilə oyunumuz var”.

O, eyni zamanda, Lamin Yamalın çıxışından söz açıb:

Lamin və Ferminin meydanda görünməsi həll yollarını tapmağa imkan verdi. Hər şeyi sınadıq, amma bu dəfə olmadı… Lamin Yamal hələ çox gəncdir. Ancaq o, meydana çıxanda o qədər yaxşı oynadı ki, həqiqətən də, böyük fərq yaratdı. Artıq çox yetkin oyunçudur, lakin biz hər şeyi tələsdirmək istəmirik”.

Yeddi turdan sonra İspaniya çempionatında turnir cədvəlinə 17 xalla “Barselona” başçılıq edir.