Xavi: “Məqsədlərə çata bilməsək, gedəcəm”

Xavi “Barselona”nın baş məşqçi postunu tərk edə biləcəyini söyləyib.

Komanda.az “Mundo Deportivo”-ya istinadən xəbər verir ki, 43 yaşlı mütəxəssis Kataloniya təmsilçisinin rəhbərliyinin qarşısına qoyduğu məqsədlərə nail ola bilməsə, klubu tərk edəcəyini deyib.

İspaniyalı baş məşqçi “Barselona”ya gəldiyi vaxtı xatırlayıb:

“Mən bura gələndə ən azı 4-cü yeri tutmağı tələb etdilər, ikinci olduq. Ötən il həfəf La Liqanı qazanmaq idi. Bu il isə vacib titullar – ölkə kuboku, La Liqa və Çempionlar Liqasıdır. Məqsədlərə çata bilməsək, gedəcəm. Biz uğura uğursuzluqdan daha yaxınıq”.

Xavi ötən mövsüm “Barselona” ilə İspaniya çempionu olub. Komanda hazırda La Liqada 19 turdan sonra 41 xalla 3-4-cü yerləri bölüşdürür və lider “Jirona”dan 8 xal geri qalır.