“Feliks “Barselona”nın oyun tərzinə çox uyğun gəlir” – Xavi

“Barselona”nın baş məşqçisi Xavi mövsümə yaxşı başlamasına görə hücumçu Joao Feliksi tərifləyib.

Komanda.az “Ekip” nəşrinə istinadən xəbər verir ki, ispaniyalı mütəxəssis Feliksin komandanın oyun üslubuna uyğun gəldiyini bildirib:

“Feliks hücumdakı müxtəlifliyinə görə çox faydalıdır və həm də, dərindən oynamaq lazım olduğunu başa düşüb. O, “Barselona”nın oyun tərzinə çox uyğun gəlir ki, bu da bizə çox kömək edir. Hücumlar yaradanda topu demək olar ki, itirmir. Ona asan oynamaq lazım olanda asan oynayır və bundan təkcə Robert Levandovski deyil, bütün komanda faydalanır.

İlkay Gündoğan açıq şəkildə bütün komandanı təkmilləşdirir. Çox yüksək səviyyəli futbolçularımız var və bu çox vacibdir”.

23 yaşlı portuqaliyalı futbolçu 2023/24 mövsümündə bütün yarışlarda 3 matçda iştirak edib, 3 qol vurub və 1 məhsuldar ötürmə edib.