“Xavi “Barselona”nın əfsanəsidir” – Laporta

“Barselona”nın prezidenti Xuan Laporta mövsümün sonunda komandadan ayrılacağını açıqlayan Xavi haqda danışıb.

Komanda.az xəbər verir ki, klub rəhbəri baş məşqçinin fikrinə hörmətlə yanaşdığını bildirib:

“Xavi mövsümü burada bitirmək istədiyini və yayda ayrılmaq istədiyini dedi. Mən də onun istəyini qəbul edirəm. Bu, onun seçimi idi. Xavi “Barselona”nın əfsanəsidir. Dürüst insandır, qürurlu davranışları var. Hazırda birlikdə olmalıyıq”.

Xavi 2021-ci ilin noyabr ayından “Barselona”nın baş məşqçisidir. Komanda ispaniyalı mütəxəssisin rəhbərliyi altında bir dəfə La Liqanı, bir dəfə isə İspaniya superkubokunu qazanıb.