Xarici KİV: PSJ Mourinyo ilə danışıqlara başlayıb

PSJ “Roma”nın baş məşqçisi Joze Mourinyo ilə mümkün əməkdaşlıqla bağlı əlaqə saxlayıb.

Komanda.az “RMC Sport”-a istinadən xəbər verir ki, Mourinyo danışıqlarda birbaşa iştirak etmir. O, məsələni PSJ-nin idman müşaviri Luis Kamposla əlaqə saxlayan agenti Jorje Mendeşə həvalə edib. Danışıqlar davam edir.

Mourinyo özü də başa düşür ki, “Roma”da ciddi uğur qazanmaq çətin olacaq və “canavarlar”ı bir neçə klub, o cümlədən PSJ və “Real”a görə tərk etməyə hazırdır.

Həmçinin, bildirilir ki, PSJ Çempionlar Liqasında mübarizəni dayandırandan sonra hazırkı baş məşqçi Kristof Qalte ilə işləməyə davam etməyəcəklərini artıq açıqlayıb.

60 yaşlı Mourinyo 2021-ci ilin iyulunda “Roma”nın başına keçib.

“Roma” İtaliya çempionatında 34 oyundan 58 xalla yeddinci yerdədir.