Xarici KİV: Kloze Mahirdən çox narazıdır

Almaniya mətbuatı “Nürnberq”in baş məşqçisi Miroslav Klozenin komandanın bazar ertəsi məşqində azərbaycanlı hücumçu Mahir Emrelinin işindən narazı qalmasından yazıb.

Komanda.az “Bild”-ə istinadən xəbər verir ki, xüsusilə, almaniyalı baş məşqçi Mahirin topsuz çıxışından son dərəcə narazı qalıb:

“Top Emreli istədiyi zaman onun yanındadır. Sadəcə topun sizə gəlməsini gözləsəz, onu çox gözləməli olacaqsız”.

Emreli mövsümün əvvəlində “Nürnberq”lə müqavilə imzalayıb. Onun “Seul”a keçidi gündəmdə idi.