Xarici KİV: Haland “Barselona”ya keçəcək

Erlinq Haland “Mançester Siti”ni tərk edə bilər.

Komanda.az xarici KİV-ə istinadən xəbər verir ki, 23 yaşlı hücumçu yayda İspaniyanın “Barselona” komandasına keçəcək. Kataloniya təmsilçisinin forvard üçün 100 milyon avro ödəyəcəyi də vurğulanıb.

Haland 2022-ci ilin yayında Almaniyanın “Borussiya” (Dortmund) klubundan “şəhərlilər”ə keçib. O, cari mövsümdə bütün turnirlərdə 22 oyunda 19 qol vurub və 5 məhsuldar ötürmə ilə yadda qalıb.