“Xarı Bülbül”ün “Panatinaikos”la oyunlarının vaxtı məlum olub

Kişi voleybolçulardan ibarət “Xarı Bülbül” komandasının Çelenc Kubokunda növbəti oyunlarının vaxtı məlum olub.

Azərbaycan Voleybol Federasiyasından Komanda.az-a verilən məlumata görə, Yunanıstanın “Panatinaikos” klubu ilə 1/16 finalın ilk oyunu noyabrın 21-də Bakıda, Gənclər və İdman Nazirliyinin Voleybol Mərkəzində keçiriləcək. Qarşılaşma saat 19:00-da start götürəcək.

Noyabrın 29-da Yunanıstanda keçiriləcək cavab görüşü isə saat 20:00-da başlayacaq.

“Xarı Bülbül” əvvəlki mərhələdə Slovakiyanın “TJ Spartak” komandasını mübarizədən kənarlaşdırıb.