Voleybol: Növbəti oyunların vaxtı dəqiqləşdi

Qadın və kişi voleybolçular arasında Azərbaycan çempionatlarında növbəti oyunların keçiriləcəyi vaxt dəqiqləşib.

Komanda.az xəbər verir ki, qadın voleybolçuların Yüksək Liqasında 2-ci dövrəyə yanvarın 30-da start veriləcək. Həmin gün 4-cü turda “Murov” – “Azərreyl” və UNEC – “Abşeron” oyunları baş tutacaq. Görüşlər müvafiq olaraq saat 16:00 və 18:00-da başlayacaq.

Yanvarın 31-də isə kişi voleybolçuların Yüksək Liqasında 2-ci turdan təxirə salınmış “Neftçi” – “Xarı bülbül” oyunu keçiriləcək. Bu qarşılaşma saat 16:00-da start götürəcək.

Oyunlar Voleybol Mərkəzində təşkil olunacaq.