Voleybol: Azərbaycan çempionatında 2-ci turun proqramı məlum olub

Kişi voleybolçular arasında Azərbaycan Yüksək Liqasında 2-ci turun proqramı məlum olub.

Azərbaycan Voleybol Federasiyasının mətbuat xidmətindən Komanda.az-a verilən məlumata görə, oyunlar dekabrın 10-11-də keçiriləcək.

Dekabrın 10-da MOİK – “Xilasedici” görüşü saat 15:00-da, “Azərreyl” – “Gənclər” qarşılaşması saat 17:00-da start götürəcək.

Növbəti gün saat 15:00-da isə “Murov Az Terminal” və “Neftçi” münasibətlərə aydınlıq gətirəcəklər.

Oyunlar Gənclər və İdman Nazirliyinin Voleybol Mərkəzində təşkil ediləcək.