“Vlahoviç inkişaf etmək üçün yaxşı məşqçiyə ehtiyac duyur” – Keçmiş futbolçu

“Yuventus”un və İtaliya milli komandasının sabiq futbolçusu Klaudio Markizio serbiyalı hücumçu Duşan Vlahoviç haqda danışıb.

Komanda.az “ITASportPress.it”-ə istinadən xəbər verir ki, o, Vlahoviçin inkişaf üçün yaxşı məşqçiyə ehtiyac duyduğunu deyib:

“Mən hələ də onu potensial çempion hesab edirəm. Vlahoviç inkişaf etmək üçün yaxşı məşqçiyə ehtiyac duyur”.

Vlahoviç 2022-ci ilin yanvarından “Yuventus”da çıxış edir. Onun klubla hazırkı müqaviləsi 2026-cı ilin yayına qədər nəzərdə tutulub.

O, 2022/23 mövsümündə Turin təmsilçisinin heyətində bütün turnirlər daxil olmaqla 42 oyuna çıxıb, 14 qol vurub və 4 məhsuldar ötürmə edib.