Virts üçün ən çətin rəqib futbolçu o olub

Leverkuzen “Bayer”inin yarımmüdafiəçisi Florian Virts indiyə qədər ona qarşı oynayan ən güclü futbolçunun adını çəkib.

Komanda.az xəbər verir ki, almaniyalı vinger “Sky Sports”-a açıqlamasında bunu deyib:

“Bayern”in müdafiəçisi Alfonso Deyvis. İlk görüşlərimin birində ona qarşı oynamalı oldum, bu, asan olmadı”.

24 yaşlı Deyvis Almaniya Bundesliqasında bu mövsüm 13 oyuna çıxıb, 1 qol vurub və 2 məhsuldar ötürmə verib. Kanadalı futbolçunun “Bayern”lə hazırkı müqaviləsi 30 iyun 2025-ci ilə qədərdir. Tərəflər müqavilənin uzadılması ilə bağlı danışıqlar aparır, ancaq “Real” da onu öz heyətində görmək istəyir.