“Vinisiusun davranışı İspaniyada hər kəsi hiddətləndirir”

Vinisius Juniorun gələcəyi futbol dünyasında aktual mövzu olaraq qalır.

Komanda.az “RMC Sport”-a istinadən xəbər verir ki, tanınmış jurnalist Daniel Riola braziliyalı hücumçunun bu il “Real”ı tərk edəcəyi barədə məlumat alıb:

“Əminəm ki, Vinisiusun “Real”dakı son ilindədir. Artıq bütün madridlilər və klub prezidenti Florentino Peres onun xarakterindən yorulub. O, çempion ola bilər, amma düşünürəm ki, “Real”da yenidən strukturlaşma olacaq.

Vinisius artıq bezdiricidir. Onun davranışı İspaniyada hər kəsi hiddətləndirir. Bilirəm ki, Peres daha buna dözə bilmir, bu onu əsəbiləşdirir. Madridlilərin oyunçularının belə davranması onun xoşuna gəlmir”.

Səudiyyə Ərəbistanı klublarının Vinisius üçün 200 milyon avro ödəməyə hazır olduğu bildirilir.