“Braziliya millisinin belə oyun göstərib xal itirməyə haqqı yoxdur” – Vinisius

Vinisius Junior 2026-cı il dünya çempionatının seçmə mərhələsi çərçivəsində Braziliya millisinin Paraqvay yığmasına minimal hesablı məğlubiyyətini (0:1) şərh edib.

Komanda.az “Globo Esporte”-yə istinadən xəbər verir ki, braziliyalı futbolçu vəziyyətin nəyin bahasına olursa olsun, düzəldilməli olduğunu bildirib:

“İndi düşmüş olduğumuz vəziyyəti başa düşürük. Vəziyyət nəyin bahasına olursa olsun, düzəldilməlidir. Braziliya millisinin belə oyun göstərib xal itirməyə haqqı yoxdur. Komanda hazırda çətin anlardadır. Bütün tənqidləri üzərimizə götürüb tez bir zamanda özümüzə gəlmək lazımdır. Braziliya birinci yerdə olmalıdır”.

Braziliya millisi keçirdiyi 8 oyundan sonra 10 xalla turnir cədvəlinin 5-ci pilləsində qərarlaşıb.