“Real”ın Vinisius planı

“Real” hücumçusu Vinisius Juniorla yeni əməkdaşlıq haqda danışıqlar aparacaq.

Komanda.az xarici KİV-ə istinadən xəbər verir ki, Madrid klubunun rəhbərliyi braziliyalı futbolçu ilə əməkdaşlığı uzatmaqda maraqlıdır. Tərəflər arasında mövcud müqavilə 2027-ci ilin yayında başa çatır. Vinisiusun müqaviləsində bir milyard avroya satın alma variantı var.

24 yaşlı vinger İspaniya çempionatının bu mövsümündə 11 oyun keçirib, 5 qol vurub və 4 məhsuldar ötürmə edib. O, bu yaxınlarda keçirilən “qızıl top” səsverməsində ikinci olub.