Premyer Liqa klubu ev formasını təqdim etdi – FOTO

İngiltərənin “Vest Hem” klubu 2022/2023 mövsümü üçün ev formasını təqdim edib.

Komanda.az klubun rəsmi saytına istinadən xəbər verir ki, forma ənənəvi olaraq tünd qırmızı və mavi rənglərdə hazırlanıb. Formanın sinəsində klubun emblemi və “Vest Hem”in texniki sponsoru “Umbro”nun loqosu təsvir edilib. Qollarda, yaxalıqda mavi zolaqlar və naxışlar yer alıb.

“Vest Hem” 2021/2022 mövsümündə İngiltərə Premyer Liqasını 56 xalla 7-ci yerdə bitirib.