“Vest Hem” üçün tibbi müayinədən keçəcək – İngiltərəli müdafiəçi

“Mançester Yunayted”in müdafiəçisi Aaron Van-Bissaka “Vest Hem”ə keçəcək.

Komanda.az xarici KİV-ə istinadən xəbər verir ki, londonlular ingiltərəli futbolçu üçün 15 milyon funt sterlinq ödəyəcək. Müdafiəçi bu gün tibbi müayinədən keçəcək.

Van-Bissaka 2019-cu ilin iyulundan “Mançester Yunayted”də çıxış edir. 26 yaşlı futbolçu 2023/24 mövsümündə bütün yarışlarda 30 matçda 3 məhsuldar ötürmə edib.