Tanınmış futbolçu MLS klubu ilə danışıqlar aparır

“Tottenhem”də icarə əsasında çıxış edən “Leyptsiq”in hücumçusu Timo Verner MLS klublarından “Nyu York Red Bulls”la danışıqlar aparır.

Komanda.az xarici KİV-ə istinadən xəbər verir ki, keçidin cari transfer pəncərəsində, yoxsa yayda baş tutacağı hələlik məlum deyil.

Verner 2024-cü ilin yanvarında mövsümün sonuna qədər icarə əsasında “Tottenhem”ə keçib və müqavilə daha bir mövsümlük uzadılıb.

Alman futbolçu bu mövsüm “Tottenhem”in heyətində 26 oyun keçirib, 1 qol vurub və 3 məhsuldar ötürmə verib.