“Kəpəz”dən etiraz: “Verilən qərarlarla barışmırıq” – VİDEO

“Kəpəz” klubu Azərbaycan Premyer Liqasının 22-ci turunda “Səbail”lə qarşılaşmada hakim səhvlərinə etirazını bildirib.

Komanda.az xəbər verir ki, bu barədə Gəncə klubu rəsmi “feysbuk” hesabında paylaşım edib:

“Səbail”lə oyunun 44-cü dəqiqəsində qapımıza təyin olunan penalti epizodundan əvvəl künc zərbəsi zamanı rəqib futbolçu Amil Yunanovu arxadan itələsə də, baş hakim Nicat İsmayıllı qayda pozuntusu qeydə almadı. Eyni epizodun davamında Junior Martinsin zərbəsindən sonra top “Səbail”in oyunçusuna toxunaraq meydanı tərk etdi. Laysman topun rəqibdən çıxdığına işarə edərək bayrağını müvafiq istiqamətə yönləndirsə də, baş hakim yenə fərqli qərar qəbul etdi. Və son nəticədə epizodun davamı qapımıza penalti ilə nəticələndi. 

48-ci dəqiqədə komandamızın yerinə yetirdiyi künc zərbəsi zamanı rəqib futbolçu Rüfət Abdullazadə cərimə meydançasında hər iki əli ilə topla oynasa da, referi VAR-a ehtiyac duymadı”.