Varan tezliklə “Mançester Yunayted”dən ayrıla bilər

Müdafiəçi Rafael Varan qış transfer pəncərəsi dövründə “Mançester Yunayted”lə yollarını ayırmaq istəyir.

Komanda.az xarici KİV-ə istinadən xəbər verir ki, “Bayern” fransalı futbolçunu transfer etmək imkanını nəzərdən keçirir. “Mançester Yunayted” müdafiəçinin qiymətini 20-30 milyon avro müəyyən edib.

Daha əvvəl bildirilmişdi ki, İngiltərə klubu Varanı buraxmağa hazırdır, lakin yalnız yay transfer pəncərəsində. Çünki baş məşqçi Erik ten Haq komandasının əsasını qorumaq istəyir ki, “qırmızı şeytanlar”ın ilk dördlüyə düşmək şansı daha yüksək olsun.

30 yaşlı futbolçu 2021-ci ilin avqustunda “Real”dan “Mançester Yunayted”ə keçib. Onun transfer məbləği 40 milyon avro olub. Varanın klubla müqaviləsi 2025-ci ilin yayına kimi nəzərdə tutulub.