Varan İngiltərə klubunu tərk etməyə hazırdır

Müdafiəçi Rafael Varan qış transfer pəncərəsində “Mançester Yunayted”dən ayrıla bilər.

Komanda.az “Sports Zone”-yə istinadən xəbər verir ki, fransalı futbolçu yanvarda ayrılmaq fikrinə və klub dəyişikliyinə hazırdır. “Qırmızı şeytanlar” müdafiəçini satmağın əleyhinə deyil.

Daha əvvəl bildirilmişdi ki, klub Varanı buraxmağa hazırdır, lakin yalnız yay transfer pəncərəsində. Çünki baş məşqçi Erik ten Haq komandasının əsasını qorumaq istəyir.

30 yaşlı futbolçu 2021-ci ilin avqustunda “Real”dan “Mançester Yunayted”ə keçib, transfer məbləği 40 milyon avro olub. Onun klubla müqaviləsi 2025-ci ilin yayına kimi nəzərdə tutulub.