Van Nistelroy Çempionşip komandasını çalışdıra bilər

“Mançester Yunayted”in müvəqqəti baş məşqçisi olmuş Rud van Nistelroy İngiltərə Çempionşipində çıxış edən “Koventri”yə rəhbərlik edə bilər.

Komanda.az “TalkSPORT”-a istinadən xəbər verir ki, niderlandlı mütəxəssis artıq “Koventri”də işləmək üçün müraciət edib.

“Koventri” Çempionşipdə 15 turdan sonra 16 xal toplayıb və hazırda 17-ci yerdədir.

Van Nistelroy keçən yay “Mançester Yunayted”ə baş məşqçi köməkçisi kimi qoşulmuşdu. 48 yaşlı mütəxəssis Erik ten Haq qovulandan sonra bir müddət “qırmızı şeytanlar”ın müvəqqəti baş məşqçisi vəzifəsini icra edib.