Van Hoydonkun oğlu İtaliya klubunda

İtaliyanın “Bolonya” klubu heyətini yeni futbolçu ilə gücləndirib.

Komanda.az xəbər verir ki, A Seriyası təmsilçisi Niderland millisinin sabiq hücumçusu Pyer Van Hoydonkun oğlu Sidney Van Hoydonku transfer edib.

Bu barədə klubun rəsmi saytı məlumat yayıb. 21 yaşlı hücumçu ilə 3 illik müqavilə imzalanıb.

İtaliya təmsilçisi Sidneyi Niderlandın “NAC Breda” klubundan transfer edib. O, geridə qalan mövsümdə bu komandanın heyətində 11 qola imza atıb. Gənc forvard 2018-ci ildən bu klubun əsas komandasında forma geyinirdi.