Van de Sar “Ayaks”dakı postundan ayrılır

“Ayaks”ın baş direktoru Edvin van der Sar tutduğu vəzifəni tərk edir.

Komanda.az xəbər verir ki, bu barədə klubun rəsmi saytı məlumat yayıb.

Van der Sar iyunun 1-də postunu klubun idarə heyətinin üzvlərinə təhvil verəcək. Klubun müşahidə şurası ondan avqustun 1-dək vəzifəsində qalmasını istəyib.

Van der Sar 2012-ci ilin noyabrından “Ayaks”ın direktorlar şurasındadır. Niderland millisinin sabiq qapıçısı 2016-cı ilin noyabrından klubun baş direktoru olub. Onun “Ayaks”la müqaviləsi 2025-ci ilin iyununa kimi hesablanıb.