İspaniya klubu Van Dayka 3 illik müqavilə təklif edə bilər

“Liverpul”un müdafiəçisi Vircil van Dayk karyerasını İspaniya çempionatının top-klubunda davam etdirə bilər.

Komanda.az xəbər verir ki, bu barədə “Todofichajes” nəşri məlumat yayıb.

33 yaşlı futbolçu ilə “Real” maraqlanır. “Kral klubu”nun rəhbərliyi müdafiədəki problemlərə görə müdafiəçi axtarır. Buna görə də, madridlilər niderlandlı oyunçuya 3 illik müqavilə təklif edə bilər.

Van Daykın “Liverpul”la hazırkı müqaviləsi gələn ilin yayında başa çatacaq. O, İngiltərə Premyer Liqasının cari mövsümündə 14 oyun keçirib, 1 qol vurub və 1 məhsuldar ötürmə edib.