Valverdenin istəmədiyi futbolçu “Borussiya”nın hədəfində

Almaniyanın “Borussiya” (Dortmund) klubu “Barselona”nın futbolçusunu heyətinə qatmaq niyyətindədir.

Komanda.az Almaniya mətbuatına istinadən xəbər verir ki, “Barselona”nın 22 yaşlı futbolçusu Malkom, Dortmund klubunun transfer hədəfindədir. Almaniya klubunun bu transfer üçün hərəkətə keçdiyi və katalonlara 42 milyon avro təklif etdiyi bildirilir. “Barselona” rəhbərliyi baş məşqçi Ernesto Valverdenin planlarında yer almayan futbolçunun klubdan ayrılmasına müsbət yanaşır.

Braziliyalı futbolçu ilə “Arsenal”, “Everton” və “Tottenhem” də yaxından maraqlanır.

“Bordo”dan 41 milyon avro müqabilində transfer olunan Malkomun klubla müqaviləsi 2023-cü ilədək nəzərdə tutulub. O, “Barsa”nın heyətində iştirak etdiyi 24 matçda 4 qol, 2 məhsuldar ötürmə ilə yadda qalıb.