İspaniyalı futbolçu “Valensiya”nın təklifini rədd edib

“Valensiya” müdafiəçisi Kristian Mosquera ilə müqavilənin müddətini uzatmaq istəyir.

Komanda.az xarici KİV-ə istinadən xəbər verir ki, “yarasalar”ın bu istəyinə baxmayaraq, ispaniyalı futbolçu klubun təklifini qəbul etməyib.

“Valensiya” Mosquera üçün “Arsenal”dan gələn ikinci – 10 milyon avronu bir qədər keçən təklifi də rədd edib. Klub 21 yaşlı futbolçunu yalnız 20 milyon avro qarşılığında buraxmağa hazırdır.

Mosquera ötən mövsümdə La Liqada 37 oyun keçirib və 1 qol vurub.