Arsen Vengerdən Özillə bağlı açıqlama

“Arsenal”ın sabiq baş məşqçisi Arsen Venger, “topçular”da az şans qazanan Məsut Özillə bağlı fikirlərini bildirib.

Komanda.az xarici mətbuata istinadən xəbər verir ki, Venger, Məsutun yeni müqavilə imzaladıqdan sonra rahatlaşdığını deyib:

“Bəzən futbolçularda xüsusi vəziyyətlər olur. Bir futbolçuyla beş illik müqailə imzaladıqda, həmin müddətdə yaxşı futbolçuya sahib olduğunuzu düşünürsüz. Ancaq bu, daha çox çalışıb, daha da yaxşı olacaqları mənasını vermir. Çünki bəzən uzunmüddətli müqavilələrdən sonra futbolçularda rahatlaşma olur.

Yüksək səviyyəli futbolçu almaq üçün 100 milyon pound pul xərcləməlisiz. Ya azad agent futbolçuyla razılaşmalısız, ya da, yüksək məbləğdə pul verərək, oyunçu almalısız”.

Özil ötən mövsüm “Arsenal”la 2021-ci ilə qədər müqavilə imzalayıb. Həftəlik 350 min pound qazanan Məsut, “Arsenal” tarixinin ən çox məvacib alan futbolçusudur.