“Uzun müddət futbol oynayacağıma ümid edirəm, amma…” – Ronaldo

“Yuventus”un və Portuqaliya millisinin hücumçusu Kriştiano Ronaldo karyerası ilə bağlı açıqlama verib.

Komanda.az xəbər verir ki, “BBC Sport”a danışan 35 yaşlı futbolçu, 2022-ci ildə keçiriləcək dünya çempionatında iştirak etmək istədiyini bildirib:

“Yaşın əhəmiyyəti yoxdur, vacib olan ağıl və düşüncədir. Hazırda özümü yaxşı və xoşbəxt, gümrah hiss edirəm. Uzun müddət futbol oynayacağıma ümid edirəm, amma necə olacağını əsla bilmərəm.

Stadionlarda azarkeşsiz oynamağı sevmirəm. Bu, sirkə gedib klounları görə bilməməyə bənzəyir. Ümid edirəm ki, tezliklə stadionların qapıları azarkeşlərə açılar. Koronavirusla yaşamağa öyrənməli, normal həyat yaşamağa çalışmalıyıq”.