Millinin baş məşqçisi futbolçuları ilə salamlaşmır?

Uruqvay millisinin baş məşqçisi Marselo Byelsa hücumçu Luis Suaresin sözlərinə münasibət bildirib.

Suares 69 yaşlı mütəxəssisin futbolçulara salam vermədiyini deyib.

Komanda.az “sport.es”-ə istinadən xəbər verir ki, argentinalı çalışdırıcı bu suala cavab verməyəcəyini söyləyib:

“Suaresin sözləri? Bu, şəxsi sualdır, cavab verməyəcəm. Bu məlumat komandanın daxili “mətbəx”inə aiddir. Hesab edirəm ki, bu məqamlar mətbuatda yer almamalıdır”.

Uruqvay millisi dünən DÇ-2026-nın seçmə mərhələsinin 9-cu turu çərçivəsində Peru yığması ilə səfər matçı keçirib. Byelsanın komandası 0:1 hesablı məğlubiyyətə üzülüb.