“Mbappe daha çox driblinq edir, Haland isə…”

“Bayern”in və Fransa yığmasının müdafiəçisi Dayot Upamekano Kilian Mbappe ilə Erlinq Halandı müqayisə edib.

Komanda.az xarici KİV-ə istinadən xəbər verir ki, o, hər iki hücumçunun fərqli xüsusiyyətlərə malik olduğunu bildirib:

“Hər ikisi fərqli xüsusiyyətlərə malik hücumçulardır. Mbappe daha çox driblinq edir, Haland isə rəqibin cərimə meydançasında daha çox vaxt keçirir. Futbolçuları müqayisə etməyi sevmirəm, amma deyə bilərəm ki, hər ikisi yüksək səviyyəli oyunçulardır”.

Haland 19 qolla İngiltərə Premyer Liqasında bombardirdir. Mbappe isə 5 qolla DÇ-2022-də bombardirlər siyahısına başçılıq edir.