Uolker “Real”a təklif edilib, ancaq…

“Milan”ın yeni futbolçusu Kayl Uolker “Real”a keçə bilərmiş.

34 yaşlı oyunçu bir neçə həftə əvvəl qış transfer pəncərəsində komandasını dəyişmək niyyətində olduğunu “Mançester Siti”yə bildirmişdi.

Komanda.az xarici KİV-ə istinadən xəbər verir ki, ingiltərəli futbolçunun xidməti əvvəllər “Real”a təklif edilib, ancaq onlar bundan imtina edib.

“Milan” dünən ingiltərəli oyunçunun icarəsini elan edərək, Uolker uğrunda mübarizədə qalib gəlib.

34 yaşlı müdafiəçi 2017-ci ildən “Mançester Siti”də çıxış edirdi. Onun “Milan”la icarə müqaviləsi mövsümün sonuna qədər davam edəcək və anlaşmaya 5 milyon avroya satın alma variantı da daxildir.