“Ümid edirəm ki, Beyl hazırda Madriddə məşq edir” – Zidan

“Real”ın baş məşqçisi Zinəddin Zidan klubdakı gələcəyi müzakirə olunan Qaret Beyl və digər transferlərlə bağlı açıqlama verib.

Komanda.az İspaniya mətbuatına istinadən xəbər verir ki, fransalı mütəxəssis, Audi Cup turnirində iştirak etməyən Beylin “Fənərbaxça” ilə  oyun (5:3) zamanı qolf oynaması ilə bağlı xəbərlərə belə şərh verib:

“Bu haqda bir məlumatım yoxdur. Burda futbolçularımın yanındayam. Ümid edirəm ki, Beyl hazırda Madriddə məşq edir. Bunun haqqında Madridə qayıdarkən düşünəcəyik. İnsanların işlərini dayandırmasına səbəb olmaq istəmirəm. Hamımızın məsuliyyəti var. Heç kəsin şəxsi işinə qarışmıram”.

Kluba başqa transferlərin olub-olmayacağı ilə bağlı suala isə mütəxəssis, “31 avqusta qədər hər şey ola bilər” cavabını verib.