“Ümid edirəm ki, Messi bu gecə əla oyun göstərəcək”

PSJ-nin müdafiəçisi Markinyos Çempionlar Liqasının 1/8 finalının “Real”la oyununda Lionel Messinin çıxışı ilə bağlı gözləntilərini bölüşüb.

Komanda.az xarici mətbuata istinadən xəbər verir ki, braziliyalı futbolçu, Messidən “Real”la qarşılaşmada gözəl oyun gözlədiklərini bildirib:

“Ümid edirəm ki, Messi “Real”la matçda həlledici töhfəsini verəcək, komandamızın qalib gəlməsinə kömək edəcək bir oyunçu görəcəyik. Biz hamımız Messi kimi böyük bir futbolçunun gözəl oyun göstərəcəyini gözləyirik. Komanda olaraq ona güvən qazanmağa kömək edəcəyik.

Messi həyatında bir çox dəyişikliklərdən keçməli oldu. İndi isə o, sakitləşib, Fransaya, Liqa 1-ə, PSJ-yə öyrəşməkdədir. Ümid edirəm ki, Messi bu gecə əla oyun göstərəcək”.

PSJ – “Real” matçı bu gün, saat 00.00-da start götürəcək.