Ukrayna klubunun iki futbolçusu koronavirusa yoluxdu

Ukraynanın “Olimpik” klubunun iki futbolçusunda koronavirus aşkarlanıb.

Komanda.az xəbər verir ki, bu barədə Donetsk təmsilçisinin rəsmi saytı məlumat yayıb. Açıqlamada, komandanın iki futbolçusunun koronavirus testinin müsbət çıxdığı bildirilib.

“Olimpik” klubunun futbolçularında koronavirus aşkarlandığı üçün bu gün keçirilməli olan “Karpatı” – “Olimpik” matçı təxirə salınıb.