Ukrayna millisinin hücumçusu Türkiyə klubunda

“Trabzonspor” heyətini yeni futbolçu ilə gücləndirib.

Komanda.az xəbər verir ki, Türkiyə klubu Ukrayna millisinin hücumçusu Danilo Sikanı heyətinə qatıb.

Bu barədə Super Liqa təmsilçisinin mətbuat xidməti məlumat yayıb. Donetsk “Şaxtyor”u futbolçusunun satışından 6 milyon avro qazanıb. 23 yaşlı oyunçu ilə 4,5 illik müqavilə imzalanıb.

Sikan son olaraq icarə əsasında Almaniyanın “Hanza” kollektivinin şərəfini qoruyub.