AÇ-2020: Ukrayna yığmasında ciddi itki – 1/4 finalı buraxacaq

Ukrayna milli komandası ciddi itki ilə üzləşib.

Komanda.az xəbər verir ki, AÇ-2020-nin 1/8 final mərhələsinin İsveçlə matçında (2:1) zədələnən Artem Besedin uzun müddət yaşıl meydanlardan uzaq qalacaq. Bu barədə Ukrayna Futbol Federasiyasının mətbuat xidməti məlumat yayıb.

25 yaşlı hücumçu azı 3 ay yaşıl meydanlardan uzaq qalacaq. Besedinin sağalma vaxtı 6 aya qədər uzana bilər.

Kiyev “Dinamo”sunda çıxış edən hücumçunun müalicəsinə başlanılıb.

Ukrayna yığması AÇ-2020-nin 1/4 final mərhələsində İngiltərə ilə qarşılaşacaq.