Ukrayna dünya çempionu oldu

20 yaşadək futbolçulardan ibarət yığma komandalar arasında təşkil olunan dünya çempionatına yekun vurulub.

Komanda.az xəbər verir ki, turnirin finalında Ukrayna və Cənubi Koreya yığmaları üz-üzə gəlib.

Polşanın ev sahibliyi etdiyi və 22-ci dəfə keçirilən mundialın həlledici oyununda qapılara 4 qol vurulub. Qarşılaşma Avropa təmsilçisinin inamlı qələbəsiylə yekunlaşıb – 3:1.

Bununla da Ukrayna yığması tarixində ilk dəfə dünya çempionu adını qazanıb.

Üçüncü yer uğrunda oyunda isə İtaliya və Ekvador yığmaları qarşılaşıb. Matçın əsas vaxtında hesab açılmayıb. Əlavə vaxtın 95-ci dəqiqəsində İtaliya penaltini qeyri-dəqiq yerinə yetirib. 104-cü dəqiqədə Riçard Mina Ekvadora qələbə qazandırıb. Cənubi amerikalılar turniri 3-cü pillədə başa vurub.