Ufuk Budak oynadı, komandası qələbə qazandı

Futbol üzrə Türkiyə 1-ci liqasında 26-cı turun oyunları keçirilir.

Komanda.az xəbər verir ki, Azərbaycan yığmasının müdafiəçisi Ufuk Budakın formasını geyindiyi “Boluspor” da növbəti matçına çıxıb.

Sözügedən kollektiv doğma meydanda “Balıkəsirspor”la qarşılaşıb. Futbolçumuzun komandası bu görüşdən qələbə ilə ayrılıb – 1:0.

Ufuk da bu oyunun iştirakçısı olub. O, start heyətdə meydana çıxıb və sonadək mübarizə aparıb.

“Boluspor” hazırda 38 xalla 18 iştirakçı arasında 9-cu pillədədi.