AÇ-2020: “Azarkeşlərimiz belə nəticəyə layiq deyildilər”

Uels milli komandasının baş məşqçisi Robert Peyc AÇ-2020-nin 1/8 final mərhələsində Danimarkaya qarşı keçirdikləri oyunu şərh edib.

Komanda.az xəbər verir ki, Peyc, 0:4 hesabıyla uduzduqları oyunla bağlı bunları deyib:

“Hamımız məyus və kədərliyik. Azarkeşlərimiz belə nəticəyə layiq deyildilər. Möhtəşəm bir turnir keçirdik. İkinci qol oyunun gedişatını dəyişdi. Rəqib ikinci hissənin əvvəlində fərqi artırmağı bacardı və psixoloji üstünlük qazandı”.