UEFA “Tottenhem”dən üzr istəyib

UEFA, Avropa Liqasının finalında “Mançester Yunayted” üzərində 1:0 hesablı qələbə qazanan “Tottenhem”dən medal çatışmazlığı ilə bağlı baş verən hadisəyə görə üzr istəyib.

Final matçından sonra keçirilən mükafatlandırma mərasimində londonluların bəzi futbolçularının medal ala bilməməsi narazılıqla qarşılanıb.

Komanda.az xəbər verir ki, UEFA rəsmilərindən biri “Reuters” agentliyinə verdiyi açıqlamada vəziyyəti belə izah edib:

“Böyük təəssüf hissi ilə bildiririk ki, mükafatlandırma mərasimində səhnədə təqdim edilməli olan medalların sayı yetərli olmadı. Bu, komanda üzvlərinin, o cümlədən zədəli futbolçuların sayının gözləniləndən artıq olması səbəbilə baş verdi.

Qısa müddətdə çatışmayan medallar “Tottenhem”in paltardəyişmə otağına göndərildi və klub nümayəndələrindən səmimi şəkildə üzr istədik”.

“Tottenhem” bu qələbə ilə tarixində ilk dəfə Avropa Liqasının qalibi olub.