UEFA “Qarabağ”a növbəti ödəniş

UEFA “Qarabağ” klubuna növbəti dəfə ödəniş edib.

Komanda.az xəbər verir ki, qitə futbol qurumu avrokuboklarda çıxış edən klublar üçün koronavirus pandemiyası ilə əlaqədar maliyyə vəsaitinin ayrılması proqramı çərçivəsində 2021/2022 mövsümündə Konfrans Liqasında iştirak etmiş Ağdam təmsilçisinə 139 000 avro maliyyə vəsaiti ödəyib.

Məbləğ AFFA-nın vasitəçiliyi ilə klubun hesabına köçürülüb.