UEFA Gənclər Liqası: “Qəbələ” üçün 7 potensial rəqib

Sabah UEFA Gənclər Liqasında Çempionlar yolunun püşkü atılacaq.

Komanda.az xəbər verir ki, Bakı vaxtı ilə saat 15:00-da başlayacaq tədbirdə ilk iki mərhələnin cütləri müəyyənləşəcək.

Azərbaycan Gənclər Liqasının çempionu “Qəbələ”nin ilk mərhələdə üz-üzə gələcəyi komanda, həmçinin növbəti raunddakı mümkün rəqibi bəlli olacaq.

Çempionlar yolunda 32 komanda mübarizə aparacaq. Bunlar “Nant” (Fransa), “Alkmaar” (Niderland), “Genk” (Belçika), “Hibernian” (Şotlandiya), “Rux” (Ukrayna), “Qalatasaray” (Türkiyə), “Omoniya” (Kipr), “Srvena Zvezda” (Serbiya), “Slaviya” (Çexiya), “Hayduk” (Xorvatiya), “Yanq Boyz” (İsveçrə), “Panatinaikos” (Yunanıstan), “Aşdod” (İsrail), “Molde” (Norveç), AİK (İsveç), “Slaviya” (Bolqarıstan), “Çiksereda” (Rumıniya), “Qəbələ” (Azərbaycan), “Astana” (Qazaxıstan), MTK (Macarıstan), “Zaqlebiye” (Polşa), “Domjale” (Sloveniya), “Trençín” (Slovakiya), “Jalgiris” (Litva), “Rasinq” (Lüksemburq), “Borats” (Bosniya və Herseqovina), “Şemrok Rovers” (İrlandiya), “Pobeda” (Şimali Makedoniya), “Pünik” (Ermənistan), “Yelqava” (Latviya), “Apoloniya” (Albaniya), “Kolreyn” (Şimali İrlandiya) klublarıdır.

Püşk öncəsi komandalar 4 qrupa bölünüb. 3-cü “səkkizlik”də yer alan “Qəbələ”nin U-19 komandasının 7 mümkün rəqibi müəyyənləşib: “Rux” (Ukrayna), MTK (Macarıstan), “Zaqlebiye” (Polşa), “Hayduk” (Xorvatiya), “Trençín” (Slovakiya), “Jalgiris” (Litva), “Yelqava” (Latviya).

Birinci mərhələnin oyunları sentyabrın 14-də və oktyabrın 5-də baş tutacaq. İkinci raund oktyabrın 26-da və noyabrın 2-də keçiriləcək.