UEFA-dan “Qarabağ”a 200 min avro ödəniş

UEFA 2023/2024 mövsümündə avrokuboklarda iştirak edən “Qarabağ” klubuna ödəniş edib.

Komanda.az AFFA-nın rəsmi saytına istinadən xəbər verir ki, Ağdam təmsilçisinə 200 min avro verilib.

Vəsait AFFA-nın vasitəçiliyi ilə klubun hesabına köçürülüb.

Qitə futbol qurumu bu mövsüm Çempionlar Liqası və Avropa Liqasında iştirak edən bütün klublara ödəniş edib.