UEFA Norveç klubunu növbəti dəfə cərimə etdi

Norveçin “Brann” klubu UEFA tərəfindən növbəti dəfə cərimələnib.

Komanda.az xəbər verir ki, bu barədə “Bergens Tidende” nəşri məlumat yayıb.

Bu ilin aprelində klub azarkeşlərin “UEFA – mafiya” şüarı yazılmış banner açması və həmin ifadəni səsləndirməsi səbəbindən 5 min avro cərimələnmişdi. Ancaq “Brann” iddia qaldıraraq İdman Arbitraj Məhkəməsində qalib gəlmişdi.

Son günlərdə isə UEFA kluba azarkeşlərin hərəkətləri ilə bağlı yeni cərimələr tətbiq edib. Bu dəfə məbləğlər 10 000, 7 500 və 10 125 avro təşkil edir. İttihamlar yenidən “UEFA – mafiya” şüarları və meydançaya karton stəkanların atılması ilə bağlıdır.

Klub rəhbərliyi ilk cərimədən şikayət verib, digər iki qərarla bağlı isə əlavə məlumat tələb edib.