Avropa Liqasında mübarizəni dayandıran “Qarabağ” Azərbaycana qayıtdı

UEFA Avropa Liqasının 1/8 final mərhələsinin cavab oyununda Almaniyanın “Bayer” klubuna 2:3 hesabı ilə uduzaraq mübarizəni dayandıran “Qarabağ” vətənə qayıdıb.

Komanda.az xəbər verir ki, Azərbaycan çempionunu Heydər Əliyev Beynəlxalq Hava Limanında jurnalistlər, azarkeşlər və futbol ictimaiyyətinin nümayəndələri qarşılayıblar.

Qurban Qurbanovun komandası martın 7-də Bakıda keçirilən ilk oyunda rəqibi ilə heç-heçə (2:2) etmişdi. Leverkuzendə baş tutan qarşılaşmada 3:2 hesabı ilə qalib gələn “Bayer” UEFA Avropa Liqasının 1/4 finalına vəsiqə qazanıb.